2022-ci ildə yaradılmış Avropa şirkəti olan Kricon Baku dünyanın müxtəlif yerlərində yeddi ofisi ilə birlikdə maye logistikası ilə məşğuldur. Bakı ofisi Azərbaycan, Gürcüstan, Qazaxıstan, Özbəkistan və Türkmənistana yüklərin idxalı və ixracını həyata keçirir və həmçinin onların tranzitini təmin edir. Öz izotanklarımızla biz kimyəvi maddələr, qazlar və maye qida məhsullarını daşıyırıq. Kricon Baku-nun xidmətləri region üçün bir yenilikdir. Məsələ burasındadır ki, bizdən əvvəl tank-konteynerlər və fleksitankerlər vasitəsilə təhlükəsiz maye yüklərin daşınmasında fəal bir mərhələ olmayıb.
Əvvəllər demək olar ki, heç kim bizim haqqımızda heç nə bilmirdi. Buna görə də, biz özümüzü tanıtmaq üçün Beynəlxalq "Nəqliyyat, Tranzit və Logistika" sərgisində şirkətimizin xidmətlərini təqdim etməyə qərar verdik. Sevindirici haldır ki, bu tədbir logistika sahəsində fəaliyyət göstərən bir çox xarici şirkətləri bir araya gətirib. Onların arasında yerli nümayəndələr də var. Kricon Baku birbaşa olaraq Alliance logistics, "Azərbaycan Dəmir Yolları", SOCAR və Totalia ilə əməkdaşlıq edir.
Sosial şəbəkələr dövründə, məlumatların işıq sürəti ilə yayıla bildiyi bir zamanda, insanlara hələ də şəxsi əlaqələr lazımdır. Bunun üçün də ixtisaslaşmış sərgilər lazımdır ki, bunlar bütün dünyada tələbat görür. Təşkilatçılar tərəfindən yaradılmış platforma sayəsində insanlar şirkətlərin stendlərinə yaxınlaşır, suallar verirlər, broşuralara baxır, qəhvə və çay içirlər, daha sonra isə əməkdaşlıq detallarını müzakirə edirlər. Məhz burada siz öz potensialınızı tam şəkildə göstərə bilərsiniz. Məsələn, bizim şirkət Middle Corridor-un fəal iştirakçılarından biridir.
Gözlənilməz, lakin çox xoş bir hal olaraq, sərginin ilk saatlarından etibarən Kricon Baku-nun xidmətləri ilə maraqlanan ziyarətçilər arasında çinlilər, qazaxlar, iranlılar və yerli qonaqlar da olub.
Farman İmamquliyev, KRICON BAKU şirkətinin idarəedici direktoru
AZ
EN
RU
ZH
