Azərbaycan Prezidenti İlham Əliyevin Polşa Respublikasına rəsmi səfəri zamanı hər iki ölkə Prezidentinin iştirakı ilə sənədlərin imzalanması mərasimi olub.
“Azərbaycan Dəmir Yolları” Qapalı Səhmdar Cəmiyyəti ilə “Polşa Dövlət Dəmir Yolları” Səhmdar Cəmiyyəti arasında dəmir yolları sahəsində strateji əməkdaşlıq haqqında Anlaşma Memorandumu” imzalanıb.
Anlaşma Memorandumunu “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov və “Polşa Dövlət Dəmir Yolları” Səhmdar Cəmiyyətinin baş icraçı direktoru Kşiştof Maminski imzalayıblar.