Bu gün “ Avropa-Asiya arasında inteqrasiya olunmuş nəqliyyat dəhlizləri” II Beynəlxalq Nəqliyyat Konfransı çərçivəsində “Transxəzər Beynəlxalq Nəqliyyat Marşrutu” Beynəlxalq Assosiasiyasının təsisçilərinin ümumi iclası keçirilib.
Ümumi iclasın işində Azərbaycan, Gürcüstan, Qazaxıstan, Polşa və Ukraynanın dəmir yolları, gəmiçilik şirkətləri və limanların nümayəndələri iştirak ediblər.
Tədbirdə ölkəmizi “Azərbaycan Xəzər Dəniz Gəmiçiliyi” QSC-nin sədri Rauf Vəliyev, “Azərbaycan Dəmir Yolları” QSC-nin sədri Cavid Qurbanov, “Bakı Beynəlxalq Dəniz Ticarət Limanı” QSC-nin Baş direktorunun müavini Vahid Əliyev və digər rəsmi şəxslər təmsil ediblər.
Toplantıda Azərbaycan şirkəti olan «ADY Container» MMC-nin Beynəlxalq Transxəzər Nəqliyyat Konsorsiumuna yeni üzv kimi daxil olması haqqında qərar qəbul edilib. Tədbirdə yükdaşıma texnologiyalarının təkmilləşdirilməsi sahəsində digər vacib qərarlar verilib.
Görüş iştirakçıları bildiriblər ki, TBNM intensiv şəkildə inkişaf edir. Marşrut üzrə texniki məqamlar və vahid tarif siyasəti təkmilləşdirilib və bunun üçün də marşrutun gələcək perspektivləri çox böyükdür.
Eyni zamanda ümumi qərarla, Transxəzər Beynəlxalq Marşrutun Avrasiya məkanında tanıdılması və inkişaf etdirilməsi məqsədi ilə marşruta “Middle corridor” adı verilib.
AZ
EN
RU
ZH
